DUUƁI 40 HANNDE KO CEERNO ALH MOHAMMADU SAYDU BAH RUTTI (ALIW KUME)

26 korse (juin) 1980 – 26 korse 2020. Duuɓi 40 hannde ko Ceerno Alh Mohammadu Saydu Bah rutti e joomen, ñalawma kala hakkillaaji men ne ngoni e makko. Omo jogi lobungel e nder ɓerɗe men. O neɗɗo Allah jom ganndal keewngal wuuri e o aduna tan ko ligganaade Allah e Nelaaɗo Allah (SAW) e Seehana Ahmada tijjaani. 

Ñalawma fof omo hesɗa e ɓerɗe yimɓe sabu wondemo neɗɗo alliyaŋke. Ko wuuri e nder duuɓi 80 ko anndinii winndere nde wondemo neɗɗo daraninoɗo diine lislam mo hano mum weeɓaani. Ceerno siñci e diiwan kolda wuro diine mo calɗi mum ngoni deftere Allah e sunna Nelaaɗo Allah (SAW) e tijjaniyya e jokkere enɗam, ngoon wuro woni Madina Gunaas tokara Madinatul Munawwar. Nguurndam wuro ngo mahi ko e diine lislam. Hitaande fof, wuro ngo ina jaɓɓo juulɓe ummiiɓe e jookli naay ɗi ngam hawrude e lulnde adunayaŋkoore nde hono Daaka.

Kaŋko wiino : Allah ina jogi dokke kaawniiɗe e rokkateeɓe haawniiɓe e dokkugol kaawningol. Sikki alaa, ko e ɗen dokke ndokkeɗa, ko e ɓen rokkateeɓe jeyeɗa, ko e ngol dokkugol keɓɗa. 

Ceerno jaŋnginii, faamnii, famminii, finndinii, oonci, fortinii, wallii, danndii, wumtinii. Ceerno seeraani e noddu yimɓe faade e Allah. E kala saha omo wiya kulee Allah, ko kaŋko woni kalifa. O wiino mo dogaani gila gidaaka, so gidaama hayti dogde. O wiino kadi mo jaŋngaani, jaŋnganaaka, jeŋngat yettaade Allah ñalawma darnga. Tooñɗo hoore mum noon alaa ɗo wullitii, ɗum kadi ko kaŋko wiinon.

Ceerno waɗi batuuji unna keewɗi jaŋnginooji e jeertinooji. Ceerno ko goongirante nde taw no ko Allah tan o huli ko oon tan o haalirta. Mbele wona kaŋko wiino saa huli Alla a wonta hul ko wona Allah. 

Ko giɗo Nelaaɗo Allah (SAW). O holli en hisnata anniyaaji men e koŋnguɗi men e golle men ɗe ko ma ɗi ngartire e anniyaaji Nelaaɗo Allah (SAW) e koŋnguɗi Nelaaɗo Allah (SAW) e golle Nelaaɗo Allah (SAW) sabu o wiino en laawol alaa faade to Allah so wona rewde e Nelaaɗo Allah (SAW). Goniranɗoma nii, wallanima, walli kay. 

O daraniima laawol ɓural e laawol daɗal e laawol malu hono laawol Sehana Ahmada Tijjaani. Cerno wii’i neɗɗo dee so ko tawi wuppiri saabunnde Nelaaɗo Alla (Sallallahu Aleyhi Wasallam) so tawi laaɓaani, ko kaŋko woni mo waawa fokaade wona dee saabunnde welaani. Hay huunde wona nden saabunnde so wona laawol Seekhana Aamada Tijjani.

Ceerno jeya ko e jiyaaɓe Allah golluɓe sunna laɓɗo ceer. Ko maayo mawngo ngo horata. 

Ceerno Alh Mohammadu Saydu Bah, ko e ɓerɗe amen ngonɗa. Ko yidde laaɓnde min njogi e ma. Min njeƴjitta ñalawma 26 korse (juin).

Aliw Kume, Almudɗo dental