Gartal Ceerno Ahmadu Tijjani Bah (Rta) e Madiina Gunaas

Moni kala e men wonko ko foti gollude e nder o aduna. Ceerno Ahmadu Tijjani Ba (Rta) suɓi kañum ko ligganaade Nelaaɗo Allah (SAW), e tee ligganaade ɓurnaaɗo winndere ko ligganaade Allah, jom yurmeende o. Ko ɗum woni gollal makko e o aduna, ko darorgal hen.

Ñande aset 23 jolal 2019, Ceerno Ahmadu Tijjani Bah (Rta) ummino Madiina Gunaas ngam arde e laamorgo leydi Senegal. Ko Allah, Towɗo o fotno yo won e Ndakaaru timmi, talata 04 colte 2020 jawtuɗo o, o ƴettiti laana ndiwowa ngam ruttade to Madiina Gunaas. Koy waktu 14h o yetti to boowal laaɗe diwooje to Tammbakunnda taw dental ngal ene jaɓɓimo. Caggal nde o waali e Tammba, o ƴetti werla ngam tiindade to wuro teddungo ngo. O yetti Madiina Gunaas ko haŋki alarba 05 colte e waktuji 17h20.

Ko adi omo naata wuro ngo, taw yimɓe ndiirani kallu mawɗo o ngam jaɓɓade o yiyaaɗo Allah. Gila Tammba haa Madiina Gunaas, yimɓe ene njalta baŋyo baŋ ngam hollude Ceerno almudagal maɓɓe e welamma maɓɓe yiide o ganndo Allah. Ceerno jaɓɓama gila Tammba, o duusaama kadi haa nder jaɓɓirndu hoɓɓe makko (Salon). Leeɗe sappo e jeenay wuro ngo fof njalti ngam jaɓɓade. Ceerno ne haanndi e ɗe teddule.

To Madiina Gunaas, gila ni o yettaki, moni kala ne yidno hokkudemo juŋngo ngam barkinoraade e widemo bismillah makko e diiwan makko. Kono ɗum wona huunde weɓnde sabu keeweendi yimɓe. Haŋki, Madiina Gunaas weli kadi sabu gartal Ceernaajo o. Yettere Allah ! Gartal Ceerno e wuro ngo ko saha keriiɗo. Hono no hewno wadde kala gartal makko, o haldi e dental ngal, jaŋtogol ngol wonani nafoore julɓe ɓe. O weltanima dental ngal e ngal jaɓɓungal mantiningal e keeringal, caggal mum o duwi.

Ceerno Ahmadu Tijjani Bah (Rta) waɗi e caggal Madiina Gunaas, e ngol ɗo laawol, lebbi ɗiɗi e balɗe sappo ɗo e Ndakaaru. Ngal ɗanngal naati e taraiq ɗanle Ceerno sabu kañɗe fof ko e ngal danngal o ɓuri ɓooyde. Ceerno ko goowɗo wadde ɗanle lislam, ko liggatoɗo Nelaaɗo Allah (SAW) e tee o tampata hen o haaɓata hen.

Yo Allah junnu ngurndam makko taw ene wonndi e cellal duumingal!

Naate : Allaji Abu NJAAY, funeere kumpital – Daakatv

Aliw KUME, almuudo dental