Binndol, ndaw nafoore! (Aliw KUME)

Pulaar wi’i « Ko binndol woni faawru ganndal ». Binndol ko huunde walloonde en danndude gannde men, tariiq men e mijooji men ɓele jaŋngoɓe ɓe mbaawa humpitaade ɗum. Ganndo koto almanaajo biyateeɗo Sikmon Forod wi’i « Hakkille ne yaha kono binndol ne heddo ».

So en nji’i won e pine nganndaaka walla ene njawa ko binndanoka. Leñol fof ene jogi finaa tawaa mum, wadde ene foti winndede ngam danndude ɗum wasa hattude tan e haala. Lewopool Sadaar Seŋngor wiyatno « so en njiɗa gannde men maya en mbinndat ». Ɗum ko ɗum goonga tigi. Binndol ne jogi nafoore e ɓamtogol pine men.

So en nji’i binndi ejiptnaaɓe ɓiyateeɗi iyerogilif godnooɗi gila ko ɓooyi walla gadiiɗi wodde yitaama saabi ɗum ko winndedeɗi haysinno ko e mantorɗe. Taŋdeɗe winndeede waɗii hen nafoore no feewi. Wadde binndol ne foti wonnde hore ngoƴaaji renndooji men, wiyanno Alisin.

Binndol ne walla en tabitinnde haalaji men e golle men. Min mbi’mi goto e men kala yo hoccu kuɗol mun ngam haɓanaade jejji. Eɗen poti reende gannde men e hakkilaji men kono kadi mbinnden ɗum ngam wawa anndeede e naftoreede. Pulaar wi’i « ko binndol reeni ganndal ». So en mbinndaani eɗen mbaawi yejjide sabu hakkile wawa moftude fof. Nehdo ne yejjita ko haalno hakki kono so winndino o mo wawi ruttaade e winndannde he.

So aɗa winnda ngonata koy haaldude e honoma en, aɗa jaŋnga e maɓɓe ngam ɓeyditoraade, aɗa wostondira e maɓɓe, kadi ne walluma yaltinde ko woni e ɓerɗema taw ko nafata ko ngannduɗa a wawa haalde ɗum. Binndol ma ne wawi heɓɓitaade honoma.

Heewɓe ne puykini binndol kono ɓe gannda nafoore mum.

Mbinnden! Mbinnden! Mbinnden!

Aliw KUME