Ceerno Abdul Asis Bah (Rta): kolaaɗo yehi (Aliw KUME)

Ceerno Abdul Asis Bah (Rta): Nedɗo gudditiiɗo, pasniɗo haaju mum, jokkondiriyaŋke

Ko adi fof, hitaande jibinande makko 1942 ko kawisa mawɗo. Nden hitaande hawri ko e daaka arwaniire wadnonde to Ayni Mahdi. Daaka ko pottital julɓe ngam rewde Alla, Subahanahu Wa Taala nde Ceerno Allaji Mohammadu Saydu Bah (Rta) fudɗuno. 

Ngal fottital julɓe fudɗinde e ñade hitaande jibinande makko, e ñeñal Alla, Subahanahu Wa Taala,  ko o yiyaaɗo hono Ceerno Abdul Asis Bah (Rta) jogti juɓɓudi golle daaka e mbaadi fewndi e wonndude e ñeñal kawningal. 
Darnde makko e gidgol makko e lislam, addanimo wadde fonndasiyo nawowo yimɓe hijjore kam e ziyaara to Fas Marok ngam juraade Seek Ahmet Tijjani Serif (Rta). 

O jiyaaɗo Alla, Subahanahu Wa Taala wonno jaadiɗo halifa o, Ceerno Ahmadu Tijjani Bah, joginoɗo koŋngol makko, sehil makko. Goonga halifa o ko mawniko kono omo farnori wonnde almudo makko. Ɗalle Halifo o fof ko kaŋko jogi njuɓɓudi mum, no yahrate e no artirte. 

Ceerno Abdul Asis Bah (Rta)  ko nedɗo teeyɗo, jamyamo, jafotoɗo, pinɗo, pamɗo, haŋilaŋke e leslikiniiɗo. O daraniima dental daaka Medina Gunaas, tijjaniya e lislam e kuɓal. 

Kirjuɗo e golle mum, o rutti e joom mem ko taw omo womi e golle sabu hitaande fof o dadoto o nawa hajjiyaŋkoɓe to Makka ngam tottoyde farli o. Holara yoni e halfinede golle hajju e ziyaruji. 

E golle nde o golli e lislam e tijjaniya, Alla,  Subahanahu Wa Taala nawtimo taw omo e hajju; ɗum ko yettere Alla, Jurmotooɗo, Jafotooɗo sabu mayde e hajju ko wattinde to moƴƴi, ko njeɗu mawngu. 

En nduwanima halifa o, Ceerno Ahmadu Tijjani Bah (Rta), dentalngal e julɓe ɓe fof. 

Yo Allah yurmomo, yafomo

Aliw KUME, Almuudo dental