Ganndal woni aadee, ɗemngal woni wonki leñol (Ngenndiyanke JOOB)

Jaŋde pinal he nder renndo. Ina selli ko ganndal woni aadee ittata majjere kam e baasal, saakta keɓtinirɗe aadee nguurndam ma wona njaalɗiɗam he nder yonta ma, ina selli ko ganndal woni faawru aadee saaktata riiwta boomaare alɗina leñol artira majjunooɓe wallita renndo. Ina selli so leñol wiy min mbaawa jaŋngude yongol wiy min mbaawa alɗude, nde tawno ganndal addata ngalu riiwta miskinaagu ", en mbaawa heɓtaade tawa en paamaani, en mbaawa faamde tawa en njaŋngaani.

Tuubakooɓe ndaɗiri afriknaaɓe ko ganndal, wittooji ina njaɓi ɗum sibu tuubakooɓe ndeɓe njaŋngi gannde dowrowe haɓe ngayni, ɓe ndarni ko kuule ñiiɓiiɗe, ɓe caakti gannde ɗe, fotde ko foti saakteede ko, won gannde toowɗe ɗe ngannduɗaa ko gannde weeyankooje ko gannde cuuɗiiɗe ɗeen ko gannde nderiije liggorɗe to senngo golle tiiɗɗe ko wayno fewnude ndiwoowa ha.e mobelaaji e werlaaji e cinndon ekn.

Kono ina selli ɗeen gannde ngadii ko e juulɓe gila e defte Annabi Muusaa (A.s.W.)", e defte Iisaa ɓiy Mariyam (A.S.W.)", innjiila e tawreeta e jabuura e furqaan deftere Nulaaɗo allah (S.A.W.) sakkitiinde tellaade e nelaande e tagoore nde” ko hollitde tan leñol yoo jaŋngu witta, no allah subhaana-huwata'alah wiyno nih e deftere makko teddunde nde : woto neɗɗo wiyat ha allah fewnami ɗuum jeyaa ko e maale malkise e jiyɗe ɓernde".

Woto neɗɗo wiyat allah rokkata ganndal komo haaji e nde o haaji, ko fodoore makko o fodi gila aadee o feeñaani kono ina yiɗa nde neɗɗo dillinta sabaabu, o ɗaɓɓa gannde diine toowɗe e gannde aduyankooje naftooje leñol to senngo ƴellitaare haa leñol ngol waawa hisde e jeytaade hoyre mum.